Sella Páls - Plays in Icelandic

Leikrit á íslensku

Plays in Icelandic

Ljúfa Lilja og Bíltúrinn

Ljúfa Lilja er myndband sem Sella hannaði um skáldað líf Lilju frá æsku á Eyrarbakka til 15. sept. 1944 þegar hún er í heimsókn á Eyrarbakka, en þá er Ölfusárbrú fallin. Sella samdi íslenskan texta við lagið Lili Marlene sem Gerður Eðvarsdóttir söng.

Bíltúrinn er gamanleikur sem fjallar um ferð Lilju frá Eyrarbakka til Selfoss þar sem hún er farþegi í bíl með tveimur Eyrbekkingum. Leikarar: Álfrún Auður Bjarnadóttir, Birkir Örvarsson og Sigurbjörn Björnsson. Hulda Ólafsdóttir leikstýrði.

Myndbandið og leikurinn voru hluti af sýningunni Einu sinni á Eyrarbakka, sem sýnd var í Byggðasafni Árnesinga á Eyrarbakka þ. 9. 16. 17. 21. 23. og 24. mars 2024..

Beint í æð - Bryndís Schram fjallar um leikritið Kvennaráð,

Kvennaráð

Leikfélag Eyrarbakka mun setja upp sýningar á Kvennaráði haustið 2026. Leikstjóri er Hulda Ólafsdóttir.

Kvennaráð fjallar um Þorgerði, áttræða ekkju sem var stoð og stytta áhrifamikils manns í fimmtíu ár og nú vill hún breyta til. Samband hennar við einkadótturina, forstjórann Birnu, er þvingað vegna tengdasonarins sem ekkjan grunar um græsku. Er ekkjan fer að taka á eigin málum bregst Birna illa við og ásakar hina víetnömsku heimilishjálp Kim um samsæri. En þegar Birna þarf a glíma við örðugar aðstæður koma móðir hennar og Kim henni á óvart.
Leikhúslistakonur 50+ stóðu fyrir leiklestri á Kvennaráði í Hannesarholti Hannesarholti þann 22. og 25. febrúar 2018Leikstjóri: Sveinn Einarsson, Leikarar: Þórunn Magnea Magnúsdóttir, Guðrún Þórðardóttir og Lieu Thuy NgoBúninga og sviðshönnuður: Helga BjörnssonLeiklesturinn var styrktur af Reykjavíkurborg.

Heimsókn í Herdísarvík

Heimsókn í Herdísarvík fjallar um síðustu ár skáldsins Einars Benediktssonar er hann dvaldi einangraður á afskekkta býlinu með ráðskonu sinni, Hlín Johnson þar sem fáir en eftirminnilegir menn komu í heimsókn. Leiklestur á Heimsókn í Herdísarvík fór fram í Þjóðleikhúskjallaranum þann 28. jan. 2020.Leikstjóri: Þórunn Magnea Magnúsdóttir, Lýsing: Páll Ragnarsson... Leikarar: Arnar Jónsson, Sigurjóna Sverrisdóttir, Jón Magnús Arnarsson, Ólafur Ásgeirsson, Kjartan Darri Kjartansson

Allt í plús

Allt í Plús

fjallar um óvenjulegt stefnumót milli manns og áfengisráðgjafa sem kynntust fyrir ári þegar maðurinn var í meðferð. Hugmynd mannsins um konuna reynist ekki á rökum reist, samskipti þeirra leiða ýmislegt í ljós og endir stefnumótsins kemur á óvart.
Leikhúslistakonur 50+ stóðu fyrir leiklestri í Tjarnarbíó 25. október 2017. Leikstjóri Þórunn Magnea Magnúsdóttir. Leikarar: Árni Pétur Guðjónsson og Júlía Hannam.

Fyrirgefningin

Á dánarbeðinu ætlast eiginmaðurinn til þess að konan sem ætíð hefur verið honum svo góð fyrirgefi sér. En þegar hún kemst að því hvað það er sem hún á að fyrirgefa er það ekki sjálfgefið.
Leikhúslistakonur 50+ stóðu fyrir leiklestri í Iðnó 17. og 18. apríl 2016. Rósa Guðný Þórsdóttir leikari, Ragnheiður Steindórsdóttir leikari, Sella Páls höfundur, Haukur Valdimarsson leikari og Þórunn Magnea Magnúsdóttir leikstjóri

Ráðabruggið

fjallar um aldraða konu, sem gabbar son sinn til sín, en tilgangurinn er annar en sá sem sýnist. Leikfélagið Snúður og Snælda sviðsettu í Iðnó og víðar árið 2013.

Ljósir Lokkar

Ljósir lokkar

fjallar um tveggja barna móður, eiginkona skipstjóra sem á í samskipta örðugleikum við fjölskyldu sína vegna leyndarmáls og neyslu róandi lyfja. Eftir heimsókn afans fer allt að breytast. Sviðsettur leiklestur fór fram í Þjóðleikhúsinu í kringum 1997. Leikarar voru meðal annarra. Guðrún Gísladóttir Sigurður Skúlason, Lilja Guðrún Þorvaldsdóttir og Edda Arnljótsdóttir. Leikstjóri var Þórhallur Sigurðsson.

Page updated

Google Sites

Report abuse