Ferill

Sella Páls er leikskáld, rithöfundur, frumkvöðull og framleiðandi sem skrifar jöfnum höndum á ensku og íslensku. Skapandi ferill hennar teygir sig allt frá iðandi strætum Manhattan og villta vestursins til stórbrotinnar íslenskrar náttúru. Á ferilskránni má meðal annars finna rekstur  veitingastaðarins Palsson’s í New York, framleiðslu söngleiksins Forbidden Broadway vestanhafs, og stofnun netverslunarinnar SeniorShops.

Sella er nú flutt aftur heim til Íslands þar sem hún miðlar sögum af krafti, bæði á sviði og síðum bóka. Hún er höfundur sögulegra skáldsagna (þar á meðal Girndarráðs), hressilegra farsa sem flakka léttilega á milli íslensku og ensku, og nú síðast: myndskreyttu barnabókarinnar um Hrafninn Lúnu Lú.

Leikfélag Eyrarbakka stefnir á að sviðsetja leikriti hennar, Kvennaráð  haustið  2026.